منتدى الفرح المسيحى - داست على انهي تعويرة

واحدة مكبوب على رجليها مية سخنة. فرجليها محروقة وساعات بتلتهب. بس هي لابسة بنطلون وجزمة. فاللي قدامها مش عارف.

عدى واحد داس على رجلها. راحت فضلت تصرخ وتعيط وتتنطط..!

عملوا ايه الناس بقى؟
فضلوا يقولوا ايه التفاهة دي ؟!
مش سبب يعني لكل ده..!
دي بنت هايفة اوي.
متخيلين كانت حاسة بإيه؟

صح!
كلنا عندنا وجع ف حتة معينة.. مكبوب علينا ميه مغلية سواء مرة واحدة او على مراحل
بنعدي وعادي ونعيش ونضحك ونلبس الفرفشة ع الوجع ف مايبانش.

فانتو مالكوش دعوة بالسبب الصغير اللي بيوجعنا
مش من حقكوا تقولوا على انفجارنا من شكة دبوس دي تفاهة. الفكرة ان الدبوس اتغرز في أنهي جرح؟

غالبا مبنبقاش عارفين السبب.. ولا الحاجة الصغيرة اللي بتشوفوها تافهة دي، داست على انهي تعويرة.
.