منتدى الفرح المسيحى - عاقبية عقاب مناسب للفعل مش لنتيجة الفعل

https://files.arabchurch.com/upload/i...5218833237.jpg

لما تيجي تعاقب ابنك على حاجة ... يبقى تعاقبه عقاب مناسب للفعل مش لنتيجة الفعل !!

يعني ؟!

يعني تعاقب ابنك لما ميذاكرش دروسه .. مش لما يجيب درجات وحشة .. يذاكر و يعمل اللي عليه و العقاب يبقى على التقصير في المذاكرة مش على الدرجات ،، عمل اللي عليه و برضو جاب درجات وحشة يبقى مفيش عقاب ،

يعني متبقاش شايف ابنك رامي اللعب بتاعته في كل حته ورافض يرتب الاوضة بتاعته و انت سايبه عادي،،،، و تيجي تتنرفز و تتعصب و تعاقبه بس لما تدوس على لعبة من لعبه و تتوجع

يعني متعاقبش ابنك اللي و هو ماشي في البيت خبط الفازة من غير قصد ووقعت و انكسرت ،، و في نفس الوقت انت بتسيبه يجري في البيت و يلعب و يتنطط جنب الفازة دي

كده ابنك هيتعلم انه مش مهم هو عمل ايه غلط ،، هيتعلم ان المهم انه ازاي يفلت بالغلط ده و يداريه