منتدى الفرح المسيحى - حلاوة الدنيا ...

https://upload.chjoy.com/uploads/1499327629971.jpg

حلاوة_الدنيا
دول ولاد أختي ... ❤
ثمرة سبع سنين حب .... !!
حدودتة بسيطة بطلها راجل وفى بوعده و بنت اتمسكت .... !!

أنا أختي اتجوزت من غير مهر و لا شبكة و لا خطوبة ... اتجوزت بدبلتين و محبس ....
وعشان أبويا راجل قبل أي حاجة ... و عشان عمره ما فكر يدينا للي يدفع أكتر ....
عشان أبويا مؤمن بأننا عياله مش عبيده ... مؤمن بإرادتنا الحرة في اختياراتنا ...
كل اللي أبويا قاله عاوزاه ؟!! .... قالتله عاوزاه .... ❤

شاب في بداية حياته لسة بيقول يا هادي ... حط ايده في ايد أختي المجدع ....
اشتغلوا ... و ابتدوا من الصفر .... من تحت الصفر ... ربنا كرمهم .....
و رضاهم ....... و دلوقتي بيلفوا العالم مع بعض ...... ❤

و لسة بتقولوا مفيش حب ....
لا ... فيه ....
بس أنتوا خليكوا "أحرار" ... و دافعوا عن "أحلامكم" بقوة و بشجاعة ......
و أنتوا تدوقوا "حلاوة الدنيا" ....
و متخلوش شوية أفكار تعيسة و أعراف ضالة لمجتمع رجعي محبط بكل المقايسس تبقى عقبة في طريقكم ...
مش بس في الحب .... في كل حاجة في الحياة !!!!
الحياة مبتديش غير الحر و القوي .....
غير كده .... ملكوش عندها حاجة ....