منتدى الفرح المسيحى - زوادة اليوم: ع عدد الصلبان

زوادة اليوم: ع عدد الصلبان
بيخبرو عن صبيّة، عم تتخصّص بكليّة الطبّ، وكانت ملتزمة بإيمانها المسيحي.
بآخر سنة جامعة، كان في إستاذ ملحد يتحدّاها ع طول ويجرّب يزعزعلا إيمانا. بس إيمان هالصبيّة كان كتير قوي ومبني على الصخر...
نهار الإمتحان الشفهي كانت لابسة تلات صلبان، واحد برقبتها وتنين بإيدها، بيسمّعلا الإستاذ، وبس تخلص بيقلها: «رح حطلّك علامة ع قدّ الصلبان يلّي معك يعني المجموع هوّي 3/100». قالتلو: «إنت مُصرّ تحطلّي علامة ع قد ما معي صلبان؟» قال الإستاذ بتحدّي: «نعم». هون فتحت الصبيّة الجزدان وكان معها كيس في 100 صليب آخدتُن لولاد الأوّل قربانة، عَدُّن الإستاذ 100 صليب، ساعتها بتقلّو الصبيّة: «رح سامحك بتلاتة ورح طالبك تحطلّي 100/100»
الزوّادة بتقلّي وبتقلّك «الصليب عند الملحدين علامة ذلّ وعار، بس عنّا نحنا المخلّصين هوّي علامة مجد وإنتصار».

https://scontent.fbey6-1.fna.fbcdn.n...56&oe=59CAC642