منتدى الفرح المسيحى - ربنا بيحبنا وبيتلكك عشان يفرحنا ...

منتدى الفرح المسيحى (https://www.chjoy.com/vb/index.php)

- شبابيات الفرح المسيحى (https://www.chjoy.com/vb/forumdisplay.php?f=91)

- - ربنا بيحبنا وبيتلكك عشان يفرحنا ... (https://www.chjoy.com/vb/showthread.php?t=497972)

ربنا بيحبنا وبيتلكك عشان يفرحنا ...

https://upload.chjoy.com/uploads/1499155648141.jpg

من اجمل المواقف اللى كنا بنعدى بيها زمان ونشوف نعمه ربنا قريبة اوى مننا ايام النتيجة
كنا نبقي عاكين عك السنين شفوى بقي متنيل ،،
على نظرى مش معدى النص ،،
على أعمال سنة متزيدش عن ٥ ،،
على ظروف ومستجدات وحاجات برا الحسبان ،،
وبالرغم من ده كله ربنا كان بيسترها ،،

لحظات النتيجة بقي ،،،
بتكتشف أن ربنا منسيش تعبك ومذاكرتك مش بس كده ده زود عليهم من عنده كتير ،،
وكنا بنستغرب ازاى عدينا منها ،،

وفي حياتنا كلها ،،
ربنا بيحبنا وبيتلكك عشان يفرحنا ،،
ساعات هتشوفوا تلاكيك وهتفرحوا ،،
ده ربنا بيلمسك لمسه مفرحة ،،

ربنا اله مفرح ،، اله حنون ،، هيدور ازاى يفرحك ويعوضك تعبك ،،
وأوقات كتير هيديلك بزيادة واكتر من اللى تتمناه وتستحقه ،،
وأوقات هتبقي تعبان او متضايق وهتلاقي حاجة جواك جميلة طبطبت على قلبك وفرحتك
اله_التعويضات_والنهايات_المفرحة