منتدى الفرح المسيحى - حوار مع نفسى

⁃

وهاتعمل ايه في الوقت اللي ربنا قرر فيه يختفي من حياتك؟
⁃ هامشي ورا آخر نور اداهولي، وأعيش علي آخر كلمات سمعتها منه قبل ما يختفي.
⁃ وهاتعرف تعيش وانت مش عارف ايه اللي بيحصل؟
⁃ ومين قالك اني محتاج اجابات.. انا محتاجه هو.
⁃ بس هو قرر يختفي..
⁃ وأنا قررت أستناه.
⁃ ولحد امتي هاتفضل كدة؟
⁃ لحد ما هو يقرر يوقف كل ده، ويرجّعلي النور من تاني.
⁃ وأمتي ده هايحصل؟
⁃ صدقني معرفش.
⁃ أومال تعرف ايه؟
⁃ أعرف بس أنه راجع.
⁃ طب مفيش أي مُسكنات كدة لحد ما يرجع؟
⁃ اه فيه.. شوية النور اللي سابهُم جوايا قبل ما يمشي.
⁃ مش زعلان منه طيب؟
⁃ شوية بصراحة.. بس هو لما يرجع هايصالحني أنا عارف.
⁃ ومين قالك أساساً انه راجع؟
⁃ هو قالي كدة، وأنا بصدقه.