منتدى الفرح المسيحى

ساعات كتير في حياتك ناس بتحبهم ممكن تخذلك.... في موقف مثلا توقعت انهم يقفوا فيه جنبك ، في كلمة حق تثلج صدرك ، في احساس بنصرة لو كانوا اخدوا موقف معين .. وساعتها انت بتحزن و بتحس ان قلبك وجعك اوي و بتحس احساس بمرارة انك اتخذلت ..
تصدق بقي ان دي حاجة حلوة اوي ...اعتبر ده حدث ربنا حطه في حياتك علشان تبطل تتعلق بالاشخاص ..
حط تعلقك في ربنا بسسسسس هو اللي لايمكن يخذلك .. تعلقك بالاشخاص وانتظارك دايما لتصرفاتهم الحلوة الكيوت الرقيقة هو اللي هايخليك دايما مخذول و عايش بمرارة واكتئاب وتوقعات ...
ارمي ورا ضهرك وماتستناش حاجة غير من ربنا ..السعادة قرار والحزن والتعلق والهم برررضه قرار .. والقرار ده مش في ايد اي حد من البشر ده في ايدك انت لوحدك ..
عيش من غير تعلق ولا توقعات .. الدنيا مش مستاهلة هم و حزن علق كل ظنونك الحلوة باللي خلقك وساعتها اكيد ظنك الحلو ده هايبقي في محله عكس ظنك في البشر ..انا عند ظن عبدي بي فليظن بي مايشاء ..
انسي الناس وخليك مع رب الناس هو وحده .. اللي في ايده سعادتك