منتدى الفرح المسيحى - انتى فعلا ...تستحقيها .

منتدى الفرح المسيحى (https://www.chjoy.com/vb/index.php)

- شبابيات الفرح المسيحى (https://www.chjoy.com/vb/forumdisplay.php?f=91)

- - انتى فعلا ...تستحقيها . (https://www.chjoy.com/vb/showthread.php?t=497335)

انتى فعلا ...تستحقيها .

تقديـــر .....

لكل مرة حلمتى فيها بحاجة ..وأجلتى حلمك ..علشان تسندى الضعيف وتطبطبى ع الخايف
تقدير ...
لكل مرة ..قلتى آآآه ..لوحدك ..وماكانش حد سامعك ..وكل مرة بكيتى وكان لازم تخبى الدموع بسرعة ..علشان ..تكملى ..
تقدير ..
لكل مرة حاولتى ...وماعرفتيش ..,
لكل مرة مشيتى ف سكة ..وماوصلتيش ..
تقدير كمان لنجاحاتك الكثير ...ولإنك تعبتى ...حاولتى وقدرتى !
تقدير ..
لتعبك ف اللبس اللى مش مريح ..والمواصلات الزحمة ..
والناس اللى ايديها طويلة ولسانها بيوجع روحك !
تقدير ...
لمواقفك الحلوة اللى الناس عرفتها ..ومواقف تانية كنتى فيها سند وصديق ورديتى غيبة حبايبك ...
تقدير ..
لإحتياجك للجمال ..والحب ..ولودانك اللى عاوزة تسمع كلمة شكرا ...
انتى فعلا ...تستحقيها ...
شكرا !!!