منتدى الفرح المسيحى - إنك تكون حقيقي .. يعنى

إنك تكون حقيقي .. يعنى
إنك دلوقت ..
تعيد كل أختيارات حياتك ..
أو تجدد إختياراتك القديمة ..
بمعنى جديد ورؤية أعمق ..
يعنى ..
إنك تختار نفس مهنتك من أول وجديد ..
أو تغيرها خالص..بمهنة تكون فيها حقيقي..
وتكون فيها نفسك..
يعنى ..
إنك تختار نفس علاقاتك من أول وجديد ..
أو تبدأ سلسلة علاقات جديدة تكون فيها حقيقي..
وتكون فيها نفسك..
يعنى ..
إنك تختار نفس سكتك وأتجاهك من أول وجديد ..
أو تمشى فى سكة تانية .. وأتجاه مختلف ..
تكون فيه حقيقي..وتكون فيه نفسك..
المهم ..
إنك تكون حقيقي..
وإنك تكون نفسك ..
الزيف ليه تمن ..
والحقيقة ليها تمن ..
بس
تمن الزيف نزيف بطئ بيسحب منك الحياة لحظة بلحظة من غير ماتحس ..
و تمن الحقيقة وقوف على رجلك فى مهب الريح وفى وش الطوفان ..
ده صعب وده صعب..
بس ده شريف وأصيل ..
وده معفن ونتن ..
ده ممكن تخسر معاه بعض الحاجات وبعض الناس ..
لكن ده هاتخسر معاه نفسك..
أختار بمسئولية ..
وأدفع التمن بشجاعة .
د.محمد طه.