زوادة اليوم : اتّكل على الله
بيخبرو عن زلمي ختيار على فراش الموت طلب كاهن الرعية بشكل طارئ بنص الليل حتى يعملو مسحة المرضى. و هالأبونا لبى الدعوة فورا، و بطريقو لعند المريض، كان مجبور انو يقطع بغابة كلا عتم و بتخوف. هوي و ماشي بهالغابة اتردد من كتر خوفو و فكر يرجع، لكن استدعى الملاك الحارس و طلب منو يرافقو و يحمي. و بعد فترة شهر، انطلب من هالأبونا يساعد كم سجين انو يعترفو و يتوبوا، بيوصل سجين منن ليعترف بيقلو: سامحني يا ابونا ، انا شايفك و بعرفك و من شهر شفتك من بعيد بالليل ماشي، جبت خنجري لإقتلك و اسرق مالك، بس لما قربت لقيت شب كبير و ضخم ماشي حدك، خفت قرب عتنيناتكن.
الزوادة بتقلك اتتكل على الله، اطلبو، آمن في، ما تنطر علامة و اشارة و دليل، هوي اكيد استجاب، بس بطريقتو و حكمتو السماوية مش الأرضية. و الله معكن