منتدى الفرح المسيحى - علاقه نهايتها قريبه .....

https://upload.chjoy.com/uploads/1498384583161.jpg

- في فرق بين راجل بيقول ..
- متلبسيش ده .. متخرجيش مع دول .. متصاحبيش دى ..
متعليش صوتك .. متتكلميش مع حد .. تقولي حاضر ..
متساليش في تفاصيل .. متشتغليش .. متتعلميش .
. تعملي ده غصب عنك عشان مزعلش ..
واي حاجة يعملها غلط تسامحيه عشان انتى اللي متزعليش .

- وبين راجل بيقول ..
ده صح ده غلط .. ده هيأذيكى ده هيسعدك .. صلي وانا هصلي ..
حبي اهلك .. انا جنبك انا سندك .. وهشتغل عشان اتقدملك ..
اعملي اللي تحبيه بس اكون عارفه .. محتاجة ايه ..
حاسه بايه .. اضحكي متبكيش .. تفاصيل يومك ايه ..

- ده بالظبط زى الفرق بين انا مش بحبك بس مبكرهكيش .
الراجل بيحتوي البنت اللي معاه بيحافظ عليها من نفسه ،
بطبطبته علي قلبها وقت حزنها قادر يخليها متشوفش غيرة ،
وهو نفس الراجل اللي قادر يفوز بيها وسط كل الكراكيب اللي عايشين فيها حاليا
ويتجوزها رغم الظروف السيئه اللي كل الناس بتمر بيها .

- غير كده هي علاقه فاشله مؤقته مفهاش اي شئ يدعوا للبقاء فيها
غير تعويض مشاعر وفراغات جوة قلب كل واحد فيهم ودي نهايتها قريبه جدًا .