منتدى الفرح المسيحى - البنات بتفكر ازاي ؟!؟!

https://upload.chjoy.com/uploads/1497810046921.jpg

- البنات بتفكر ازاي يا ماينز.
- في مسلسل "حلاوة الدنيا" لما "سليم" قرر يعترف لِ "امينة" بحبه ..
اخدها ف مطعم ع النيل (يعني المكان اللي هي بتحبه) وكان حاجز صف ترابيزات كاملة لحسابه، مجهز فوق كل واحدة منهم صندوق.

- اخدها من ايدها وبدء يخليها تفتح الصناديق ..
اول صندوق كان فيه مجموعة صور ليها ف اول مرة اتقابلوا سوى.
(يعني مهتم بالتفاصيل والذكريات). ...
تاني صندوق كان فيه لبان اللي هي بتحبه
(مهتم حتى بأبسط حاجة بتحبها)
تالت صندوق كان فيه سندوتش برجر وبطاطس
(يعني الاكل اللي هي بتحبه). ..
اما رابع صندوق ف كان فيه سيجارة حشيش
(يعني راضي حتى بالعيب اللي فيها بل وجايبلها الحشيش بنفسه). ..
اخر صندوق كان فيه خاتم الخطوبة اللي لما طلعته قالها :
انا مش عارف ف اي احظة حسيت اني بدأت احبك، بس انت اتسرسبتي جوايا لحد ما مليتيني. بحبك.

- الخلاصة : الجواز هدف سهل تحققه، لكن عشان توصله صح وتحافظ عليه بعد كده لازم تفهم ان البنات عمومًا بتحب اللي يهتم بالتفاصيل،
اياك تنسى يوم ما اتقابلتوا اول مرة، يوم عيد ميلادها، عيد جوازكم ..
و اياك متقولهاش دايما انت حلوة ف كل مرة تسرح فيها شعرها.
لازم تفهم ان الاكل اللي بتحبه ف المكان اللي بتحبه ده بيبسطها،
وطظ ف اي حاجة جنب انك تجيبلها شاورمة وبرجر ع النيل.
الاهم بقى ترضى بيها زي ما هي، حتى لو بتشرب حشيش ،
انت بقى واخدها بتلبس نوع معين من اللبس متحاولش تغيره بالفرض والغصب.

الستات بتحلو لما اللي معاها يهتملها باللي بتحبه،
فالنهاية هاتلاقي ان الخاتم له قيمه وهيدوم مش بس ف ايدها انما في قلبها.