منتدى الفرح المسيحى - وانت معايا ببقى أنا

https://upload.chjoy.com/uploads/1497613375581.jpg

وأنت معايا مش بشيل هَم اللي جاي.. مهما حصل هاتلحقني، ومهما الدنيا باظت هاتعرف تلمّها..

وأنت معايا.. الطفل اللي جوايا بيطلع من غير خوف.. بيلاقي بَراح في حُضنك وأمان في وجودك.. وجودك لوحده مُريح بالنسبالي..

وأنت معايا.. بقيت أعرف أقول كلمة "بابا" زي ما علمتهالي بالظبط.. من غير خوف وتفكير وحسابات كتير ..

وأنت معايا.. استطعمت نوع حُب جديد، حُب مفتوح رصيده مابيخلصش..
حُب "أبدي" زي ما بتثبتلي كل يوم..
حُب شايفني "نضيف" وغالي دايماً..
حُب مش ببذل مجهود أني اظهر قدامه حلو أو بسيط، لأنه شايف قلبي من غير شرح وكلام كتير ..

وأنت معايا ببقى بصورتي الحقيقية البسيطة اللي معظم الناس مش بتقبلها أو بتفهمها .. وبتجرأ أرمي الزيادات والوشوش و"الدفاعات النفسية" اللي لابسها طول الوقت..

وأنت معايا ببقى "أنا".. وده كفايا عليا أوي ..