منتدى الفرح المسيحى - إحنا محتاجين نحس إن في حد محتاجنا

إحنا محتاجين نحس إن في حد محتاجنا ،
حد نبقي عارفين إنه بيحبنا بدون أي أسباب واضحه ،
حد يقسم معانا كُل حاجه بنعملها ، الأكل ، الكسل ، البرد ، الحر ، الأفلام اللي بنحبها ، الأغاني اللي بنسمعها ،
حد يشاركنا الشوارع ، المواصلات ،
حد يملي أي كُرسي فاضي في حياتنا ،
حد يدينا من وقته و من تفكيرُه و من إهتمامُه ،
حد مُمكن يبقي أخ ، صاحب ، حبيب ، توأم روح ،
شخص يستاهل إننا نقوله فعلا " وجودك شيء مكملني لأني لوحدي مش هقدر " ،
شخص يستوعب ضعفنا و يأسنا و إكتئابنا و يحتويه ،
منتكسفش نعيط قُدامه ، و ميزهقش مننا لو شكينا ، و يسمع مننا وقت ما نفضفض ، حتي لو معندوش حل ،
إحنا كُلنا مرضي نفسيين و بنعالج بعض بالتفاصيل دي من غير ما ناخد بالنا ،
فياريت منبخلش علي بعض بالمشاعر و لا بالكلام الحلو ،
عشان حتي نقدر نكمل حياتنا و إحنا علي الأقل مُبتسمين ✋ !