منتدى الفرح المسيحى - لا تحكموا بحسب الظاهر

في جلسه خاصه جدا قلت لأحد المقربين الي قلبي ..
☆ ما تحكمش علي حد انت متعرفوش عن قرب ..
لئلا تظلمه !!
☆ وما تحكمش علي حد انت شايفه هادى. .
يمكن جواه بركان ونار مش عارف يطفيها! !
☆ وما تحكمش علي حد من خلال بوست كتبه وعجبك أو معجبكش. .
يمكن مالوش صديق و دي الوسيلة الوحيده اللي بيعبر بيها عن مشاعره !!
☆وما تحكمش علي حد بيضحك وبيهزر ويبدو أنه سعيد ...
يمكن موجوع وبيداري وجعه.ودموعه مغرقه سريره كل ليله. أوبيهرب من مشاكله أو مش عايز يكشفها للناس!!!
☆ولا تحكم علي حد يبدو أنه قوي من الخارج
يمكن الضعف الداخلي مسيطر عليه !!!
☆ وما تحكمش علي حد شفته منفعل أو غاضب...
يمكن دي المره الوحيده اللي شفته فيها كده.او مضغوط
اوي ومش قادر يتحمل! !!
☆وما تحكمش علي حد ساكت علي طول ..يمكن سكوته من كتر يأسه أو ظلمه أو ألمه أو فقد أمله !!!
☆ولا تحكم علي حد يبدوا انه شيك ومنظم. ...
يمكن جواه ملخبط وفوضوي! !!
☆ وما تحكمش علي حد ملتزم بالفروض والشعائر.
وهو في الحقيقه فريسي! !!
☆وما تحكمش علي حد يبدوا لك أنه فارغ . .
يمكن جواه مليون حاجه كاتمها !!!
☆ باختصار ..ما تحكمش علي حد احسن ...☆
○ ولو انت شاطر بقي ..أحكم علي نفسك بس ○
● وبلغه الإنجيل "لا تحكموا بحسب الظاهر "●