منتدى الفرح المسيحى - مسئوليه الخدمه

دور_امين_الخدمه
امين الخدمه لو اتعامل كمدير والخدام موظفين. هاتلاقي المخدوم اصبح عميل والكنيسه باقت شركه. وهايبقي احساس الخادم وهو رايح الخدمه نفس احساسه وهو رايح الشغل الصبح.. وهايبقي المخدوم سبب ضغط عليه زي العميل مش هايبقي سبب بركه.. لازم تبقي علاقه مسئول الخدمه والخدام والمخدومين علاقه خارج نطاق اسلوبنا في العمل. الخدمه محتاجه اننا نكون سند لبعض..وده مش معناه الاستهتار لكن معناه ان اسلوب الالتزام يجي بالمحبه. لان الخادم يحب خدمته..يبقي مستني يوم الخدمه.. وكل ده مايجيش غير بقائد ناجح عارف نفسيه كل خادم معاه. عارف مشاكله..عارف ظروفه.. واقف جنبه في تعبه..كل ده يخلي الالتزام موجود.. المحبه اساس اي التزام.