منتدى الفرح المسيحى

https://files.arabchurch.com/upload/i...1904652556.jpg

أكتر حاجة بنحتاجها في علاقتنا اليومين دول هي الثقة، وللأسف بقت صفة مش بسهولة نلاقيها وتخيلوا كده انك بتتعامل مع حد انت مش عارف تثق فيه للأخر، هتكون بتتصرف معاه ازاي! اكيد هتبقى قلقان مش عارف ممكن يعمل معاك ايه.. وزي ما احنا بنحتاج الثقة في علاقتنا دي مع الناس، برضه بنحتاج الثقة دي في علاقتنا مع ربنا، لو انت شايف ان ربنا ممكن يأذيك أو يمنع عنك خير جايلك، مش هتبقى قادر تحبه ولا عايز تقرب منه أصلاً! لو متأكدين فعلاً انه بيحبنا لازم نكون واثقين فيه وفي كل اللي بيعمله معانا حتى لو مش فاهمين، صدقوا انكم مش متسابين لوحدكم، كله في الأخر هيجي للخير..