منتدى الفرح المسيحى

منتدى الفرح المسيحى (https://www.chjoy.com/vb/index.php)
-   قسم المواضيع المسيحية المتنوعة (https://www.chjoy.com/vb/forumdisplay.php?f=154)
-   -   كن تلميذا (https://www.chjoy.com/vb/showthread.php?t=493955)

walaa farouk 08 - 06 - 2017 09:16 PM

كن تلميذا
 

اول درس نتعلمه من تلمذه ابائنا الرسل بعد الامتلاء من الروح القدس هو درس من معجزه شفاء المشلول في اعمال 3 اول ما الراجل شاف بطرس ويوحنا قالهم عاوز صدقه. ساعتها افتكروا تلمذه يسوع ليهم لما قالهم ماتحملوش لا كيس ولا مزود وانا هاغنيكوا. فبطرس قال للمشلول احنا محلتناش حاجه لكن اللي معايا هادهولك وهو باسم يسوع المسيح الناصري قم وامشي.
طب اتعلم ايه انا كخادم وتلميذ للمسيح من الموقف ده. ولادنا مش محتاجين امكانياتنا الماديه ولا المواهب اللي عندنا لكن محتاجين اسم المسيح اسم المسيح اللي يحرر ويشفي. بطرس الرسول قاله انا معنديش لا فضه ولا دهب طب افرض كان معاه كان هايديلوا زيه زي اي حد ماشي في الهيكل
لكن بطرس اللي يفرق بينه وبين الناس انه تلميذ. والتلميذ مايديش فضه ولا دهب لكن يدي المسيح. يا تري انا تلميذ بدي المسيح لولادي المشلولين من كتر الضعفات ولا انا معايا فضه ودهب.
عارفين ايه هما الفضه والدهب؟
هما امكانياتي اللي مسنوده عليها. خدمتي..وعظي..صوتي الحلو..دراستي في الكنيسه في علوم كثيره.. كل ده حلو لكن لو من غير المسيح هايبقي اكننا بندي لولادنا فضه ودهب يفرحوا بيها وقت وخلاص لكن لما نديهم اسم المسيح هو ده اللي هايدوم معاه
.. لو هاتعمل كرنفال. مهرجان. مؤتمر. حفله.. رحله..افتقاد. فقره في اجتماع. كل ده فضه ودهب ممكن ولادنا ياخدوه ويفرحوا لكن هايرجعوا تاني للضعف والشلل الروحي. لكن وسط كل ده تملي كل ده باسم المسيح اللي يقوم من كل ضعف..
#كن_تلميذا#
.. وخلي اسم المسيح هو اساس خدمتك اسم المسيح هو الغني

Mary Naeem 09 - 06 - 2017 01:35 PM

رد: كن تلميذا
 
لكن وسط كل ده تملي كل ده باسم المسيح اللي يقوم من كل ضعف..
#كن_تلميذا#
.. وخلي اسم المسيح هو اساس خدمتك اسم المسيح هو الغني

walaa farouk 10 - 06 - 2017 10:33 AM

رد: كن تلميذا
 
ميرسي كتير على مرورك الغالى مرمر


الساعة الآن 07:39 AM

Powered by vBulletin® Copyright ©2000 - 2025