منتدى الفرح المسيحى - توب علينا من السطحية يا رب ....

https://upload.chjoy.com/uploads/1496915546651.jpg

بمجرد إن البنت تحقق نجاح واضح على أكتر من مستوى، وتبدأ يكون لها علاقات كويسة...
فجأة يظهر المعجب واللي بيحب واللي كان خايف من رد الفعل..
في حين ان نفس الشخصية دي يعرفوها من زمن، لكنها ما كانتش Star ،

ساعتها يحضرني قول لمحمود درويش :"هي لم تحبك أنت".
هما حبوا نجاحك والواجهة الاجتماعية اللي ها يكتسبوها والمنظرة وكدا.

اعتقد ان العاقلة المفروض تبصلهم بطرف عينيها وتكمل طريقها، الثانية الضايعة في الحديث مع هؤلاء مضيعة للوقت والطاقة.

رغم اعتراضي على بوستات "اتجوزي اللي ..."...
الا اني احب أقول للبنت تحديدا ، لإنها كائن غلبان جدا:
ركزي اوي مع اللي حبك وانتي مش عاملة حواجبك، اللي ما اعترضش على كعكتك،
اللي رغم تكشيرتك كانت عينيه حاسة بيكي ما فضش عليكي تضحكي علشان يتمنظر بيكي قدام صحابه...
ما تضيعيش فرصة تشكري فيها عمليا ،
اللي مش بيتكسف من أي حاجة فيكي قدام العالم كله.
أخيرا كوني ناجحة... كوني جميلة "جوة وبرة"، لذاتك مش لحد.

صباح_الاحباط.
توب_علينا_من_السطحية_يا_رب.
ورغم ان العوائق اللي في نظرهم ونظر اصحابهم واهلهم ما اتغيرتش بس ساعتها تمام كانت في غشاوة على عينيهم.