منتدى الفرح المسيحى - المحاولة أفضل من اللاشيء ......

على فكرة ...
لما تقرر أنك تعمل حاجة ...و تحاول تعملها فعلا ...
و تفشل .... و تقرر تاني .... و تفشل ... و رابع .... و خامس ..... و تفشل ....
ده مش شي وحش ... ولا سيء ....

يعني مثلا ... عاوز تبطل سجاير .... عاوز تخس ....
عاوز تقطع علاقتك بحد معين و مش عارف .... الخ ....
كل مرة بتقول هبطل ... هخس .... مش هعرف الإنسان ده تاني ..... و بترجع تاني تضعف ...

بس الفرق ان كل مرة بتقرر نفس القرار .... في حاجة جواك بتتغير...
هيبة الموضوع بتقل .... و الضغط بيخف .... كل مرة القرار هيبقى اسهل ... و اسهل ..... هتجيلك مرة من المرات دي .... و هتكمل للآخر ....

هتصحى في مرة مش قادر تاخد نفسك من كتر السجاير و تحس أنك بتموت .....
هتدخل مرة محل و هتلاقي جاكيت هتموت عليه و مش مقاسك و هترجع البيت محبط .....
هيجيلك مرة تعد أدام الشخص ده و تلمح في عيونه نظرة هتقدملك الفراق على طبق من دهب ......
الا مهتيجي اللحظة اللي هتاخد فيها القرار الصح .... و تكمله لآخره .... من غير متضعف .....
كتر المحاولات ده مش علامة فشل ..... ده معناه انك بتحاول .... بس مكنتش مستعد ....
مجتش اللحظة لسة .... بس هتيجي .... و هتقدر ....... المحاولة أفضل من اللاشيء ......