منتدى الفرح المسيحى - رسالة لكل متعصب

https://upload.chjoy.com/uploads/1496274852031.jpg

لعل لهم آذان ويسمعون***

أنا مش هقول زي اللي قالوا
دين أبوكم إسمه إيه ???
أنا جاي أقـولكم دين أبونا يعني إيه !!!
بس يارب تسمعوا وتفهموا هو حلو قد إيه 🍀

دين أبونا يعني حب ..
يعني دعوه للسلام
دين أبونا من البدايه
دين تسامح مش خصام 🍀

دين أبونا .. رغم كرهك وبغضك رغم قتلك ..
تلاقي ديني وصاني أصليلك وأحبك 🍀

دين أبونا ياعم داعش
مش سهام مش سلاح مش دماء
دين أبونا دين سلام دين محبه وفيه كل الرجاء 🍀

نفسي مره واحده تفهم
أو حتي تساءل نفسك سؤال
مشفتش وإنتوا بتقتلونا
الإيمان صخر زي حته من الجبال 🍀

دين أبونا أصله روح
مش جسد آخره التراب
أيوه دي الروح بتصعد
وتتلاقي مع الأحباب 🍀

دين أبونا لو بس تفهم
دين بيداوي الجريح
وبكره لما تتوب وترجع
هتعرف مين هو ( المسيــــح ) 🍀🍀