منتدى الفرح المسيحى

https://upload.chjoy.com/uploads/1496221515381.jpg

"كوني ذكيه"
دي النصيحه الماما قالتهالي يوم تخرٌجي لما سألتها عن سر نجاح جوازها لمدة ٥٣ سنه وَيا رب ١٠٠٠٠٠ سنه كمان

قولتلها تقصدي آه بذكيه؟ فقالت
الست الذكيه واثقه في نفسها، مبتقارنش نفسها باي واحده تانيه.
مبتدقش على الواحدة ومبتقفش على الفاضي، عشان يوم ما تزعل يتعمل لزعلها حساب.
اعلى صوت حتسمعوا في بيتها هو صوت ضحك، عشان الخناق مش بالصوت العالي.
"لما الموجه بتعلى، هي بتدخل تنام "
مبتجبش حقها بالزعيق، كله بالذوق.

ذكيه في الأوقات، متطلبيش طلب من جوزك وهو لسى راجع من الشغل!
دمها خفيف، عشان تلم الخناقات بالهزار، "اوعي تبقي نكديه".
الغنى مش رقم في البنك، الغنى فى الرضى والثقه انك قبل ما تحتاجي حاجه حيكون ربنا بعتها

اضحكي كتير، اهتمي بنفسك، الست الحلوه واثقه في نفسها. اصبري، الصبر مفتاح الفرج.
انتي وجوزك مبتسابقوش بعض، إنتوا فريق اهم حاجه في دنيتهم ولادهم
واهم حاجه ماما قالتها،
"اللى بتركز في عيوب جوزها مبتشوفش غيرها، والبتركز في مميزاته بتحبه كل يوم اكتر
شوفي غيرته عليكي حب وخوف، مش حب امتلاك ."