منتدى الفرح المسيحى - كل سنة واحنا على شبهه

حصلت من شويه قبل الفطار بشويه ... ��
كنت قاعد ف بيتنا مرهق شويه قبل وقت الفطار و حسيت ان عايز انزل الشارع اتمشى الوقت ده ف الهدوء �� فقولت اشطه يالا ، نزلت و عمال اتمشى و خلاص الفطار كان ناقصله كام دقيقه لقيت ست ( ف حدود 35 هى و ابنها صغير 5 ل 7 سنين ) قاعده على جنب ف خدتنى الشجاعه و رحتلها �� .
انا :- سلام عاليكم يا امى.
هى :- وعاليكم يابنى
انا :- ايه مش هتفطرى ولا إيه !؟
هى :- معناش فلوس نجيب فطار يابنى و ققرب ناس بيوزعوا أكل بعاد و انا رجلى وجعانى ف بستنى بعد الفطار الناس تجبلى اى اكل
انا :- مممممم طب تحبى تاكلى ايه بقى بما أن النهارده أول يوم رمضان !؟
ابنها ( طلع كده ف النص ) :- فياااااااخ ( قصده فراخ )��
انا :- ماشى بس تقول اسمك ايه و تخلينى اكل معاك ها
ابنها :- ماسى ، اسمى محمد
هى :- لا يابنى اى حاجه عاديه نفطر بيها ملكش دعوه بيه
( المهم قلتلها ثوانى و رحت جبت الفطار و رجعتلها )
هى :- انا قلت انك مش هتيجى بعد إللى قاله الواد ده
انا :- لا ربنا عايز يخاليكوا تفطروا ف معادكم و إللى نفسكم في ، ويالا بقى الأذان إذن
هى :- يالا بأسم الله ....
( ف وسط الاكل )
هى :- أنت مين يابنى !!
انا :- اسمى ماريو صموئيل ��
هى :- أنت مسيحي !!
انا :- اه ، فى حاجه ولا إيه ��
هى :- و بتعمل كده بعد إللى اتعمل فيكم إمبارح
انا :- عايزانى اعمل ايه ياام محمد
هى :- يعنى أجل حاجه متكونش بتنزل توكلنا و تكون زعلان و مدايق
انا :- مش عارف ققولك ايه بس ده العادى إللى بعمله إللى عيسى عندنا بيقول اعملوا ديما و كان بيعمله لما كان عايش هنا زمان
هى :- على حق انا بشوف ديما منكم كل خير ولا عمر حد عمل مشاكل معايا منكم
انا :- يا امى كل الحكايه اننا بنحبكم اوى ف ملناش دعوه ايه إللى بيحصل او بيتعمل احنا هيفضل حبنا ليكم ثابت و هنفضل نسامح ديما بردو
محمد :- الحمد لله ، ماما انا عايز اكل حاجه حلوه ذى إللى شوفناها إمبارح
انا :- تعرف تودينى ليه نروح نشوفه
محمد :- ماشى يالا
هى :- مكفايا يابنى كده تقيل
انا :- محمد يطلب إللى هو عايزه
المهم رحنا و خلصنا و كل حاجه و همشى
هى :- استنا يابنى عايزه ققولك على حاجه
انا :- قولى
هى :- إللى ديما بسمعه عنكم انكوا كفره و مش بتعبدوا ربنا بس كل مره بيحصل ان تعملوا معايا بشوف عكس ده و النهارده قبل م أنت تيجي كنت بدعى و بقول يارب عايز افطر حتى و لو اى حاجه و انت إللى جيت و بعد إللى عملته بتقولى ان لو انتوا كفره و بتعملوا كده ف ياريت الكل يبقى كافر ذيكم و متزعلش مننا على كل إللى بيحصل فيكم
( فعلا معرفتش أرد و طبطبط على كتفها و مشيت )

انا مكلمتش عن اى حاجه حصلت إمبارح بس من ساعه الموقف إللى حصل و جوايا حاجه بتقولى ماريو الناس دى مش شريره الناس دى مش ذى م أنت فاكر أنها بالبشاعه دى الناس دى محتاجه تشوف يسوع إللى كان على الأرض إللى كان ديما بيتحنن ف بيعمل على طول مش بيتحنن بس الناس دى طول حياتها بتسمع و تتعلم حاجات كتير اوى غلط عنه و ضده باختصار الناس دى عايزه مقابله معاه و احنا دورنا نكون بنوصل الصوره دى و نعمل إللى كان بيعمله هنا على الأرض وقتها كل حاجه هتتغير و الكل هيعرف مين هو الإله الحقيقي ...
" الناس محتاجه يسوع على الأرض ... الناس محتاجانا "
لِأَنَّ ٱنْتِظَارَ ٱلْخَلِيقَةِ يَتَوَقَّعُ ٱسْتِعْلَانَ أَبْنَاءِ ٱللهِ. إِذْ أُخْضِعَتِ ٱلْخَلِيقَةُ لِلْبُطْلِ -لَيْسَ طَوْعًا، بَلْ مِنْ أَجْلِ ٱلَّذِي أَخْضَعَهَا- عَلَى ٱلرَّجَاءِ، لِأَنَّ ٱلْخَلِيقَةَ نَفْسَهَا أَيْضًا سَتُعْتَقُ مِنْ عُبُودِيَّةِ ٱلْفَسَادِ إِلَى حُرِّيَّةِ مَجْدِ أَوْلَادِ ٱللهِ.
رُومِيَةَ 8:19*-‬21
#كل_سنه_واحنا_على_شبهه