منتدى الفرح المسيحى - أحارس انا لأخي ....

https://upload.chjoy.com/uploads/1495700560691.jpg

من يومين كنت في الكاتدرائية سمعت اتنين خدام بيتكلموا و في وسط كلامهم قالوا مصطلح غريب " أسر محتاجه مستتره "

بصراحة الفضول قتلني .. قطعت كلامهم و سألتهم ايه ' أسر مستتره ' ده ؟
قالي ده أسر عاديه جدا مايبنش عليها إنها محتاجه ولا قادره تقول إنها محتاجه ..
بس هي فعلاً بتكون محتاجه اكتر من أي حد تاني .

في نفس اليوم حضرت محاضره بعنوان ' أين أخاك '
وسط الكلام سمعت جمله ده
' في ناس وسطنا عايشين محتاجين اهتمام مع أن مايبنش عليها خالص '

من ساعتها و انا خدت بالي إن في ' .. نفوس مستتره .. '

محتاجين و مش عارفين يقولوا انهم محتاجين
يجوز مش عايزين يظهروا ضعفهم ..
يجوز مش عايزين يشوفوا نظرة شفقة منك تجرحهم ..
يجوز فقدوا الأمل انهم يلاقوا اللي يسد احتياجهم

الخلاصة : . حاول تاخد بالك من الناس اللي حواليك ..
الناس اللي بتبان حياتها مستقرة و مش محتاجين حاجه من حد ،
علي فكرة الاحتياج مش مادي بس الاحتياج ممكن يكون
(( سنده .. شويه وقت .. حبة إهتمام .. دعم نفسي .. مساعدة بسيطة .. صدقني ممكن يكون هزار و ضحكة طالعه من القلب ))

حاول تساعد اللي حواليك عشان لو اتسألت " أين أخاك "
تعرف تجاوب و متكنش إجابتك " أحارس انا لأخي "