منتدى الفرح المسيحى - مكانه مبيتغيرش

https://upload.chjoy.com/uploads/1495696200051.jpg

الطبطبة اللى على الكتف ..والنظرات اللى تحى..والاحضان اللى بتنطق من غير كلام بكل معانى الحب والقبول .حاجات صعب تكون حاضرة وقت ماعيوبك تبان وجروحك تنكشف فالغالب بتطلع وقت الانجاز ..والنجاح ..والGood job اوقات ماكل اللى حواليكى بيصقفلك وبس ..طب كسرة خاطر من فشل مين يدويها ..طيب وقت الغلط والخزى والجهل مين يحتوىه..وقت مااخذل اللى حواليا فيا.. ..مين هيكون موجود ف الوقت ده ويطمنى بنفس يحطه فيا بان لسه فيا امل ..مين يشبع احتياج و جوع لحب مش مستنى منى اكون مبهرة عشان يقبلنى ..مين هيكمل وهيفضل واقف ويحضن قلبى وقت مااخيب الظنون ..يمكن الاجابه المحبطة هتكون "ف الغالب مفيش" ...بس ف واحد هو موجود للاوقات دى مكانه مبيتغيرش ورايه فيكى ثابت .موجود حتى وانتى مش مبهره.. وانتى واقعه ..وانتى مبتلمعيش . واقف باحضان مفتوحة وبقلب مصدق انك مهما عملتى عمرك ماهتنطفى .."بابا".الله..هو الاب والقلب اللى هيفضل يحبك برغم من ..مش عشان... :)