منتدى الفرح المسيحى - هو أنا إزاي بقيت هشة أوي كده !؟.

منتدى الفرح المسيحى (https://www.chjoy.com/vb/index.php)

- فضفضة شبابية بلا حدود (https://www.chjoy.com/vb/forumdisplay.php?f=92)

- - هو أنا إزاي بقيت هشة أوي كده !؟. (https://www.chjoy.com/vb/showthread.php?t=491256)

هو أنا إزاي بقيت هشة أوي كده !؟.

هو أنا إزاي بقيت هشة أوي كده !؟...
ما بقتش مستحملة أي وجع ...ألم فراق ...زعل من حد ..أي حد يتجرح او يتوجع ..أي حد يفقد أي حبيب ..مرض ..موت ...فراق ..ما بقتش قادرة أستحمل أشوف حد موجوع او تعبان
قلبي بيتعصر ...الدموع زي ما تكون بتتلكك تنزل ...زي ما تكون أطفال حبساهم بالعافية و ما تصدق تجري
وجع واحد قاتل يمر بالإنسان كفيل انه يفقده كل اسلحته على الصمود ...
كل لحظة ألم بنمر بيها بتكسر حاجة جوانا لغاية ما بتوصل انك تبقى زي لوح الإزاز المشروخ المتفتت مليون حتة بس لسه واقف مكانه بتحاول بكل الطرق تحميه من الإنهيار علشان دي بتكون آخر شعراية بينك و بين تمسكك بالحياة .
#يا_رب_ما_حد_يتوجع
#يا_رب_خفف_عن_كل_مريض
#يا_رب_عوض_عن_اي_فقد
#يا_رب_أجبر_كل_ألم
#اللهم_إني_استودعك_قلبي