منتدى الفرح المسيحى - طريقه تحفه لعمل المصاصات والبونبونى ف البيت لاولادنا وكمان لاطفال مدارس الاحد

عشان اللى برا كله مواد حافظه والوان صناعيه

المقادير

** 2 كوب سكر

** 2/3 كوب ماء

** 7 حبات فراولة

** 1 ملعقة كبيرة عسل نحل

** 1 ملعقة صغيرة خل

** شفاطات بلاستيك للمصاصات

** قوالب اشكال للبونبونى

الطريقة

أول حاجة نأخد الفراولة مع الماية فى حلة يغلو مع بعض لغاية ما الماية تأخد اللون و الطعم من الفراولة

بعد كدة نصفيها و نأخد 2/3 كوب من المية الناتجة

نحط الماية اللى بقا لونها أحمر و معاها معلقة العسل والسكر و الخل فى الحلة

نقلبهم و نحطهم على نار هادية فى الوقت ده نحضر القوالب اللى هنحط فيها البونبونى و المصاصات

أنا عندى قوالب سليكون صغيرة أستخدمتها للبونبونى

و علشان المصاصات

حطيت ورق فويل و دهنته زيت و مسحته بمنديل علشان أعمل المصاصات

و كل شوية نقلب بشويش لحد ما كل السكر يدوب خالص (حوالى 1/4 ساعة)

بعد ما نتأكد أن السكر داب نعلى النار و نسيب الخليط يغلى حوالى خمس دقايق أو أكتر شوية

و نخلى جنبنا كوباية ماية ساقعة كل شوية نأخد بمعلقة صغيرة من الخليط اللى على النار و نحطه فى الكباية لو فضل طرى يبقا لسة لو بقى جامد يبقى كدة خلاص

ناخده بسرعة على حمام ماية ساقعة لمدة 10 ثوانى

و بعدين نصبه فى القوالب وعلى الفويل نكون حطين الشفاطات البلاستيك و نصب عليها بسرعة قبل ميتجمد

بس كدة نسبهم لما يبردوا و نشيلهم من القوالب

وده شكلهم النهائى