منتدى الفرح المسيحى - لن يخزى منتظروك

اذكر يا رب العشمانين ❤
المنتظرين بلهفة .. اللي مستني نتيجة تحليل او اشعة .. اللي منتظر شغلانة تستره .. اللي مستنية مسچ مهم من حد غيبته طالت قوي .. البردانة من سقعة الحب المزيف و نفسها تلمس هدب ثوبك .. اللي شرب من الترعة و جرب مسكنات كتير و منتظر الشبع الحقيقي .. اللي هربان من الدوشة و الزحمة في الكنيسة و منتظرك تقعد تتعشي معاه في البيت .. اللي قاعد بره و دوره جاي في interview .. اللي تايهين من بعض و منتظرين الخطوة مين يبدأ و يتكلم .. اللي علاقته بيك منعدمة و القيود مانعاه و متكلبش في خطيته و مستني تخبط علي بابه .. اللي بيحب و بيغير و خايف يصارح لينجرح و منتظر الاشارة .. اللي مستني تعويض بعد التجربة و اتأخر في السكة و تاه 😊
العشم صعب الوقت فيه بطئ ساعته رمل شيطانه يأس و قلق لكن لنا ثقة انك حي و جاي و (لن يخزي منتظروك) 💪👌👌

هون يا رب كل انتظار لانك حنين ❤