منتدى الفرح المسيحى - فقال له يسوع " اتبعني "

https://upload.chjoy.com/uploads/1495059332281.jpg

فقال له يسوع " اتبعني "
في كل مرة كان الرب يسوع فيها بينادي على اشخاص تمشي معاه كان بيقولهم " اتبعوني" يعني تعالوا ورايا أنا مش ورا أي حاجة تاني، مش ورا تعاليم او تقاليد تانيه حتى لو انتوا شايفين انها صح وكويسه ودايما كان بيهاجم الفريسين والكتبه اللي شكلهم من بره بيتبعوا الله لكن هما في الحقيقه مش كده، صحيح ان الرب يسوع ساب لنا الكتاب المقدس وتعاليم بس مكانش الهدف منها اننا نتبعها وبس، الوصايا والكتاب المقدس دول الطريق اللي هنعرف نفهم بيه ربنا فهنقرب منه اكتر، ناس كتير في ايامنا دي بقت ماشيه ورا حاجات كتير وبعدت عن تبعية الله الحقيقي، والسؤال المهم اللي لازم كل واحد يفكر فيه، انت بتتبع مين، بتتبع الله نفسه ولا بتتبع شوية وصايا وتعاليم وبتنفذها علشان ترضي بيها ضميرك ونفسك قدام الله وبس؟!