منتدى الفرح المسيحى - صلاتك بتعمل فرق

مؤخراً بقيت أشوف ناس كتير تعبانة (جسدياً ونفسياً) بيتشفوا بصلاة صغيرة بسيطة.. بدون اجتماعات ومؤتمرات ضخمة وصلوات مُرهقة بالساعات ..

صلوات بسيطة من أصحابهم.. من أُسرتهم.. من ناس حتى على الفيسبوك ماتقابلوش معاهم.. لدرجة أن هما نفسهم بيتخضوا.. "هي بالبساطة دي يارب؟؟"..

واللي فعلاً لاحظته أن ربنا زي ماتقول كدة "بيتلكك" عشان يشفي ويتمجد في ولاده..
محتاج ايه؟ ولا ليها وصفة معينة أو خطوات مُعقدة.. هما شوية ايمان صغيرين بس.. وصلاة بسيطة مش مُعقدة.. والشفاء يتحقق!

شفاء من سرطان.. من شلل.. من عيوب خلقية.. من أرواح اكتئاب ومحاولات انتحار.. من خوف.. من ادمانات كتير..

في شفاء (من كل حاجة).. والشفاء ده عايز بس ناس بسيطة مصدقة أن صلاتها بتعمل فرق.. !

عشان كدة ماتستهونش بصلاتك لحد.. ماهياش واجب أو حاجة تريح ضميرك أو نفسيتك شوية.. صلاتك بتعمل فرق وبتغير الواقع.. صلاتك بتشفي ناس تعبانة، وبتفُك ناس مربوطة.. فا ارجوك ماتبخلش بيها على حد!