منتدى الفرح المسيحى

https://upload.chjoy.com/uploads/1494754361541.jpg

قلت : يـــا رب أنـا خــايـــف أوي
حبيبي : ليه خايف أنا معاك صدقني
يا رب: خايف من نفسي، من الناس، من بكره، من الفشل..
يا ابني: خايف من نفسك ونسيت إنى أنا إللي خلقك؟ والناس أنا أقوى منهم، وبكره دا في سلطاني، والفشل مش من طبيعتى
يا رب: كلامك ماعدش بيأثر فيا!
حبيبي: أنا برضه معاك حتى لو مش حاسس بيا أو مش فاهم لأني بحبك
يا رب: بتحبني على أيه ما فيش فيا حاجه صح كله غلط!
يا ابني : أنا بحبك لأنك ابني أنا عارف إنك ضعيف وتعبان وأنا بتاع التعبانين.. أنا بتاع الضعفاء صدقني حلك عندي
يا رب : أنا مش قادر أصلي .. مش عارف.. مش عاوز أنا مش نافع في حاجه
حبيبي : كفايه أنك لسه بتفكر فيا عاوزني .. بتطلبني حتى في قلبك .. أنا عارف اللي في قلبك
يا رب : مش شايف حاجه بتتغير كله من سئ لأسوء .. كله ظلمه.. كله غلط
يا حبيبي : أنا شايف كل حاجه إنت اللي مش شايف حاجه.. إطمن أنا عارف بعمل أيه أنت بس مستعجل شويتين
يا رب : أنت كمان بالك طويل أوي وأنا تعبان
يا أبني : كل حاجه ليها وقتها وكله في الآخر ليك عليك بس ماتيأسش
يا رب: يعني لسه في أمل؟
يا حبيبي : الأمل عمره ما يروح بس ماتنساش صليبك وأبديتك وحاول تاني وأنا معك