منتدى الفرح المسيحى - الجواز اختيار

https://upload.chjoy.com/uploads/1494436390221.jpg

الجواز اختيار ، مفيش حاجه اسمها نصيبك كده
ربنا اللي ادالك الحرية في كل افعال الخير والشر
وادالك سلطان كامل على كل تصرفاتك
اكيد مش هاينقيلك شريك حياتك ، ويتدخل في حاجه تخصك واحدك
متعلقش علي ربنا شماعة فشل اختيارك
وترجع تقوله انا قولتلك ابعتلي حاجه من ايدك انت ، وبعدها حطيته في طريقي
اسمحلي اقولك انت غلطان ،
ربنا ادالك عقل تفكر بيه يناسبك ولا لا
وودان تسمع بيها اسلوبه
وعين تشوف بيها تصرفاته
ولسان علشان تناقشه في كلامه
كونك انك لغيت كل ده ، فوحدك تتحمل نتيجة اختيارك

ايوه احنا اللي بنختار مش ربنا ، وربنا بيبارك الاختيار ده عن طريق سر الزيجة
السما ممكن تمطر خير ، تمطر شفاء ، تمطر سلام داخلي
لكن مابتمطرش عرسان

ـ اختاروا اللي يحتويكم وماينفرش
ـ اختاروا اللي يحتملكم وفي نفس الوقت تحتملوه
ـ اختاروا اللي بيسمع اكتر مابيتكلم
ـ اختاروا اللي بيطبطب اكتر ما بيأمر
ـ اختاروا اللي يقدَّر قبل ما يلقح
ـ اختاروا اللي يسامح ومايتلككش
اختاروا السند ـ اللي تترموا عليه وقت ماكل حاجه حواليكم تقع وتنهار

اختاوا بتأني ، قابلوا بعض مرة واتنين وتلاته
افسخوا ميت مرة
بس اوعوا تتجوزوا جوازة فاشله تدفعوا تمنها العمر كله