منتدى الفرح المسيحى - ليه بنوصل متأخر

هى ليه الناس دايماً بتيجي متأخر أوي ؟ 😖
دايماً بنبقى وصلنا لمرحلة "جالي بعد ما خلّصت زعل"😌
الشخص اللي فضلت مُنتظره ويمكن عيّطت كتير بسببه وفي لحظات ضعفك كنت بتتمنى يبقى موجود 😔جِه بعد ما كل حاجة خلصت، بعد ما الزعل خلص، والدموع وقفت👌🏼😣

الناس اللي بيخافوا يقولوا لبعض حقيقة مشاعرهم لحد ما🙈كُل واحد يرتبط بحد تاني ومسارتهم تختلف، ويفضلوا يندموا لو كان ولو كانت ✋🏼ويرجعوا يقولوا في الوقت الغلط 😌اللي غالباً بيكون طرف فيهم التزم بكلمة هو مكانش عايز يلتزم بيها .. بس يأِس😔

والأصحاب اللي بيتخانقوا خناقة تافهة ويسبوها تكبر مع طول الإهمال والكِبر😏😒 ويفضل كل واحد يرسم سيناريو وحِش للتاني ويوصل لنتايج بشعة مع طول السكوت والعِند. لحد ما بيقابلوا بعض بعدين .. زى الأغراب✋🏼😥

الفكرة اللي بنتردد نقولها وبنخاف تفشل أو تطلع "مش قدّ المقام" :/ ونلاقي غيرنا قالوها بعدِنا بثواني أو نفذوها ونجحت ولقت إعجاب كبير وكانت سبب في نَقلة ليهم. 😄✋🏼

وحتى السكوت اللي بيطول بعد سؤال مصيري من اللي قُدامنا الكام دقيقة دول اللي بيوصلوا إجابة مكناش قصدنها وبيمشوا ويسيبونا لإننا اتأخرنا. 😔

(الأسف المتأخر، والإعتراف المتأخر، الرد المتأخر، المواجهة المتأخرة والفكرة المتأخرة)
إنك توصل متأخر ده شعور سئ جداً جداً 👌🏼✋🏼 إنك يتيأس منك وتهدم حماس وفرحة ناس كانوا مستنينك 😰😰
غالباً اللي بيجوا متأخر دول بيبقوا في يوم كل اللي اتمنناه .. بس بييجوا بعد ما بنكون "خلّصنا إنتظار، شغف أو زعل :)