|
جرب تعيش صح ،،
https://upload.chjoy.com/uploads/1493470383161.jpg في الوقت اللى انت مش بترضي تنزل فيه من البيت علشان مكتئب ،، غيرك بينزل ينكد على اصحابه لحد ما يفك معاهم .. وفي الوقت اللى انت بتفضل تخس فيه علشان نفسك تلبس كويس ،، غيرك بيعرف يلبس اللبس اللى يخليه جميل لحد مايخس وربنا يفرجها .. وفي الوقت اللى انتى مش بترضي تنزلى الأولاد للنادى علشان ميوسخوش نفسهم ،، غيرك بيستناهم وهما راجعين متبهدلين من اللعب ويقولهم المهم انبسطتوا ؟! وفي الوقت اللى انت بتفضل تمسك فيه للى قدامك على الكلمة والغلطة ،، غيرك بياخد كل حاجة بضحك وهزار وسلامة نية .. وفي الوقت اللى بتقعدوا فيه يومين متخانقين علشان سوء تفاهم ،، غيركم بيلتمس الاعذار ويدوروا على اى حجة علشان يتصالحوا بسرعة .. وفي الوقت اللى انت خايف تتقدم فيه لفلانة لحسن تترفض ،، غيرك بياخد الخطوة بمخاطرتها وزى ماتيجي تيجى .. وفي الوقت اللى انت بتعول فيه الهم وتفكر وتضايق ،، غيرك سايبها على ربنا ونايم مرتاح .. الحياة محتاجة بساطة ومحتاجة انك تبقي عاوز تنبسط وتعيش وتجرب وتخاطر ،، مش عاوزه قيود ومخاوف وهواجس وقلق ،، جرب تعيش ببساطة في كل حاجة هترتاح ،، وهتلاقي انه كان فايتك كتير وانت معقدها ،، خد قرار انك تفرح وسط كل الظروف ،، وتجازف علشان الحاجة اللى بتحبها ،، وتفرح الناس اللى بتحبهم ،، وتسلم حياتك لربنا وانت مطمن ،، جرب تعيش صح ،، https://upload.chjoy.com/uploads/1493470383262.jpg |
رد: جرب تعيش صح ،،
وفي الوقت اللى انت بتعول فيه الهم وتفكر وتضايق ،،
غيرك سايبها على ربنا ونايم مرتاح .. الموضوووع فى منتهى الروعة |
رد: جرب تعيش صح ،،
جرب تعيش ببساطة في كل حاجة هترتاح ،، وهتلاقي انه كان فايتك كتير وانت معقدها ،، خد قرار انك تفرح وسط كل الظروف ،، وتجازف علشان الحاجة اللى بتحبها ،، وتفرح الناس اللى بتحبهم ،، وتسلم حياتك لربنا وانت مطمن ،، جرب تعيش صح ميرسى على مشاركتك الجميلة |
رد: جرب تعيش صح ،،
خد قرار انك تفرح وسط كل الظروف ،، وتجازف علشان الحاجة اللى بتحبها ،، وتفرح الناس اللى بتحبهم ،، وتسلم حياتك لربنا وانت مطمن ،، جرب تعيش صح ،، رووووووووووعة حببتي ربنا يفرح قلبك |
رد: جرب تعيش صح ،،
ميرسى لمروركم الغالى
:):):) |
| الساعة الآن 01:02 PM |
Powered by vBulletin® Copyright ©2000 - 2025