منتدى الفرح المسيحى - طوبى للرحماء لانهم يرحمون

https://upload.chjoy.com/uploads/1493242281981.jpg

طوبى للرحماء لانهم يرحمون!

الرحمة مش بس معناها انك تساعد حد أو تعطف على حد غلبان، الرحمة اعمق من كده بكتير، وعلشان نفهما اكتر لازم نشوف النموذج بتاعنا " الرب يسوع " يوم ما قرر يشرح الرحمة قال ايه " قال المثل بتاع الملك اللي سامح العبد المديون بالفلوس الكتير لكن العبد ده مارضيش يسامح صاحبه بالمبلغ القليل اللي كان عنده " وقاله " أيها العبد الشرير، كل ذلك الدين تركته لك لأنك طلبت إلي. أفما كان ينبغي أنك أنت أيضا ترحم العبد رفيقك كما رحمتك أنا؟
دي من اول التطوبيات أو ممكن تكون الوحيدة اللي مكافأتها من نفس جنس عملها، يعني بالبلدي كده " يا بخت الناس اللي بتعرف ترحم الناس التانية، اللي مابتمسكش عليهم زلة" لانهم هيترحموا برضه، هيجيلهم يوم ويطلبوا مني اني ارحمهم وانا هعمل كده لاني شايف قلبهم واسلوب حياتهم..
انت في ايدك ترحم الناس، تقدر ترحم اصحابك اللي بيغلطوا فيك ويتأسفولك انت تقدر تغفر لهم وتشيل عنهم حمل تقيل، فكر في صاحب ليك أو قريب أو واحد من عيلتك، محتاج ترحمه بالمفهوم اللي يسوع قاله ده، واعمل كده، وافتكر الشرط لو رحمت غيرك ربنا هيرحمك.