منتدى الفرح المسيحى - المقدر والمكتوب

https://upload.chjoy.com/uploads/1493160229551.jpg

المقدر والمكتوب

فكرتوا قبل كده في الكلمة دي، يعني ايه مقدر ومكتوب!
مقدر ومكتوب يعني الله هو اللي راسم الخطة كلها من أولها لأخرها، وراسم كمان كل التصرفات اللي بنعملها واللي لسه هنعملها، وده معناه انه احنا أدوات في ايدين الله، زي بالظبط لعبة الشطرنج، اللي بيلعب اللعبة بيحركها زي ما هو عايز بالظبط ومافيش اي حد يقدر يدخل في اللي بيحصل!!
الله يوم ما قرر يخلق الانسان ( آدم ) قال انه هيخلقه على شبهه يعني زيه، يعني مثلاً هيبقى عنده حرية زي ما ربنا عنده حرية وهيبقى مُبدع وبيحب وبيختار، كل الصفات دي هو واخدها من الله..

صحيح انه بيحصل حاجات مش بتبقى في إيدينا اننا نعدلها، او نتدخل فيها بس ده مش معناه انها قضاء وقدر، ممكن يكون اختيار ناس تانيه، أو حاجة احنا عملناها وبنحصد نتيجتها، زي ما انت عندك حريه وبتختار سكتك، الناس التاينه برضه عندها نفس الحرية وبتختار تعمل ايه وتتصرف ازاي!

مافيش حاجة في الكتاب المقدس على مدار اصحاحاته وأسفاره كلها بتقول انه في المسيحية فيه قضاء وقدر.. محتاجين نراجع افكارنا وطريقة فهمنا للأمور ولله وللكتاب المقدس، لو احنا فعلاً عايزين نمشي في طريق ربنا صح!