احذري يانفسي
 

احذري يانفسي

عيشي يانفسي اتمني قصور

لك------------ن

شوفي الدنيا من حواليكي

مين رجليه ثبتت علي جسور

حاسبي يانفسي علي رجليكي

فاكرة الدنيا اخرتها نور

ده اللي فكر فيها قبليكي

عاش لحن الغربة مكسور

مات وافكاره بتدور

مأساته هتبقي مأسيكي

نفسه ينادي لكنه معزور

مش قادر يفوق فيكي

صوته نهايته جوة قبور

ولايمكن هيوصل ليكي

لحن الغربة ده مش هيدوم

وبكلمة تاخدك وتوديكي

كلامها مرارة وهموم

مين علي نفسك هيعزيكي

مش خايفة علي قلبك المهموم

خافي من الموت لما يناديكي

كلمة بقولهالك وخلاص

ربك اللي جه يفديكي

نادي بغفران وخلاص

ولسة بينادي عليكي

قبل الفرصة دي ما تضيع

ومافيش في الدنيا شئ يرضيكي

قولي للدنيا خلاص هبيع

حبك ومش عاوزه عنواني

وهشتري ابدية بتذيع

اعلانها في حب اللي فداني

رد: احذري يانفسي
 

رد: احذري يانفسي
 

اللللللللله ..كلمات جمييييييييلة جدااااااا روووعة بجد يا نيرمين ربنا يباركك

رد: احذري يانفسي
 

رد: احذري يانفسي
 

شكرا
ناردين *شيري &مرمر
ربنا يبارككم واشكركم علي تشجيعكم أحبائي