منتدى الفرح المسيحى - طب ليه طلباتى مش بتتحقق

الرب يسوع قال " مهما سألتم بأسمي فهذا أفعله " طب ليه في طلبات مش بتتحقق؟!
السؤال ده كان بيجي في بالي كتير، لغاية ما اكتشفت ان اوقات كتير طريقة ربنا في الاستجابة بتبقى مختلفة عن الطريقة اللي احنا عايزنها!
زي ابراهيم مثلاً صلى لربنا " يا ليت اسماعيل يعيش أمامك"، الله استجاب الصلاة فعلا وبارك اسماعيل، بس عمل العهد مع اسحاق ابنه!
بولس الرسول طبيعي انه يصلي لربنا علشان يشفينه من الشوكة اللي في جسده علشان على الاقل قدر يخدم ربنا وهو سليم، كان رد ربنا ليه " تكفيك نعمتي"..
ومثالنا العظيم الرب يسوع، صلى في جثسماني لله الآب علشان يرفع عنه هذا الكأس، فأستجاب الرب لكن بطريقة تانيه، كانت لخيره بأنه أرسل ملاك يقويه..
الله بيستجاب كل طلبة بنرفعها لان ده وعده، احنا اللي محتاجين مَنحدّش ربنا بطريقة استجابة معينه.. كل اللي بيعمله لخيرنا، صلي بإيمان وقوله لتكن مشيئتك يا رب في حياتي وصدق أنه هيستجيب..