منتدى الفرح المسيحى - قد أيه انتوا " أحياء " في الحب ده ...

https://upload.chjoy.com/uploads/1492683921721.jpg

هو مين أوهمنا إن الحب هو حالة صلبة من الفرح المستمر ؟؟
حالة سطحية من السعادة الهسترية ؟
إن الحب يعني تجريد الإنسان من مشاعره السلبية و تفريغه من إحساسه بالألم ؟!
و إن في لحظة توقف شعوره بالسعادة إن خلاص ديه معناها نهاية الحب ده ؟؟!! ..

مع إن كل اللي بيعمله الحب في حياة الإنسان انه بيخليه يعيش مشاعره العادية جدا بس بعمق أكتر .. فانتا حتفرح بعمق ، حتنبهر بعمق .. و نفس الوقت حتحزن و تتألم برضة بعمق !! ..
..
فوجود شريك عاطفي بيمدك ببعد أقوي للإحساس و روح إضافية للإنفعال ..
فأنتا بتحس بقلببن و بتدرك بعقلين ..
بتحوي مشاعر كائن أخر جوا ضلوعك و بين ثنايا ذاكرتك ..
بتمروا انتوا الاتنين بسلاسل مشتركه من المواقف المختلفة قادرة تخلق جواكوا مزيج صعب من الصراعات المؤلمة و عالم مبهم من ردود الأفعال المتضاربة ،

و مهما كانت النتيجة فانتوا بتعيشوها مع بعض و بتتحملوها سوا ..
فمقياس مدي صدق الحب اللي بينكوا مش قد ايه انتوا"فرحانين " بالحب ده ..
انما قد ايه انتوا "حاسسين" في الحب ده ، قد ايه انتوا " موجودين " بكل دوافعكوا و وجدانكوا في الحب ده ، قد أيه انتوا " أحياء " في الحب ده ...