منتدى الفرح المسيحى - تدريب للجمعة العظيمة ( لاجلى انا )

https://upload.chjoy.com/uploads/1492173556111.jpg

تعالوا النهاردة نشوف شكل المسيح علي الصليب بطريقة مختلفة.. الشخص اللي فوق ده مفروض انا وانت اللي نكون مكانه!! وانا عشان طبعا مش هستحمل ، هو نزلني وطلع هو علي الصليب، فالمفروض مني انا اني علي الاقل اشاركه في المه .. كل واحد بحسب اولا قدر محبته للمسيح. وايضا علي قدر طاقته( بس علي فكرة المحبة بتدي طاقة)
امثلة للتداريب واختار انت منها
----------------------
+ واحد بيحب قوي ومدمن للشاي والقهوة.. هيشرب مرة واحدة بس في اليوم .. او هيحرم نفسه منها .. وهيقدمها اكرامأ لعطشك علي الصليب..
+ واحدة بتحب اللبس والزينة.. هتكتفي باللبس الغامق اليوم ده .. وهتقول للعدرا انا حاسة بيكي...

+ واحد مدمن قاعدة قدام الدش .. هيبطل يفتح التليفزيون النهاردة وهيقوله منعت نفسي من حاجة بحبها اكراما لألمك.. اللي مفروض كنت انا اللي اتآلمته...

+ واحدة مدمنة كلام في الموبايل وشات علي النت... هتقلل خالص وهتقفل النت ..

+ واحدة مخاصمة حد من قرايبها او اصحابها... هتتصل بيها دلوقتي تقوللها كل سنة وانتي طيبة .. هتألم نفسياً وادوس علي نفسي .. اكراماً لآلمك .. واعتبره ياربي هو ده المسمار اللي في واحدة من ايديك الاتنين..

+ فيه حاجات وحاجات مستعبدانا كتير. كل واحد مننا عارف ايه عبوديته!! هيقدمها علي اد مايقدر وردة تحت صليبك ياسيد ... وخد بالك احنا بنقدم ( هدية) محدش مجبر عليها ..حتي لووردة تحت الصليب هيتقبلها منك وهو بيبتسملك وبيقولك شكرا