منتدى الفرح المسيحى

منتدى الفرح المسيحى (https://www.chjoy.com/vb/index.php)
-   شبابيات الفرح المسيحى (https://www.chjoy.com/vb/forumdisplay.php?f=91)
-   -   انى جرحت فى بيت احبائى (https://www.chjoy.com/vb/showthread.php?t=483078)

walaa farouk 06 - 04 - 2017 10:23 AM

انى جرحت فى بيت احبائى
 
https://upload.chjoy.com/uploads/1491474114661.jpg

كلام اتردت كتير اقوله 😊
كتير كنت بسأل ربنا هو ليه انت بتسيب الوجع يجى من أقرب الناس من بيت ، اخوات ، قرايب ، أصحاب واكتر حد حبيته ؟ - ليه كل الأبواب مسدوده فى وقت واحد ومفيش ولا باب موارب ؟
- ليه كل ماخد منك فرحه ماتكملش ؟
- ومكنتش بلاقى اى أجابه لكن مع الوقت فهمت الاجابه وسمعته جوايا بيقول انتى لازم تتعلمى تطلعى السلم وتعلى لازم تتوجعى بالقوى وتتكسرى عشان عضامك تتقوى لازم تحاولى انك تغفرى وتغفرى من جوه اوى مش تكتفى بمجرد كلام ظاهري عن الغفران لازم أقرب الناس تعمل فيكى كدا عشان هما فارقين معاكى غير باقى الناس المهمشه فى حياتك لازم تتمثلى بيا وتعرفى ( انى جرحت فى بيت احبائى ) (وانى أنشأت بنين ورببتهم واما هم فعصوا عليا ) - لازم يوصلك ان اصل الوجع إللى عاوز يتشفى بيجى من جوه اوى انتى لازم تتشبهى بيا - الغفران عمره مايجى فى يوم وليله الغفران محتاج معافره محتاج صلاه ودموع وصراخ وانتى محتاجه تفهمى انى كل ما وجعهم يزيد عليكى فدا معناه انى مش حابب اكسرك وادغدغ فيكى لكن حابب اجمل فيكى حابب اخلى قلبك شبهى حابب اوصلك انك تبقى من جوه نقيه كالثلج وتتأكدى انى مش بحرمك لكن هردلك كل مسلوب وهرجعلك فرحك اضعاف وكل إللى كسروكى فى يوم ايدى إللى جملت قلبك هتخلى قلبك يشفيهم بالحب لأنهم محتاجين قلب بيعرف يحب يوصلهم ليا عشان يتشفوا هما كمان زيك افهمى انى مش بس بشكل فيكى لا دا انا بحفر صورتى فيكى عشان انتى تستاهلينى وبكره الفرح هتحصديه من نفوس إللى وجعوكى وجبتيهم ليا 😃


Mary Naeem 06 - 04 - 2017 11:10 AM

رد: انى جرحت فى بيت احبائى
 
مشاركة جميلة جدا
ربنا يبارك حياتك

walaa farouk 06 - 04 - 2017 05:10 PM

رد: انى جرحت فى بيت احبائى
 
ميرسى على مرورك الغالى مرمر;)

MenA M.G 20 - 04 - 2017 06:48 PM

رد: انى جرحت فى بيت احبائى
 
موضوعك مميز .. طرح رائع
ربنا يبارك خدمتك

walaa farouk 07 - 04 - 2019 09:02 PM

رد: انى جرحت فى بيت احبائى
 
ميرسى على مرورك الغالى :)


الساعة الآن 11:45 PM

Powered by vBulletin® Copyright ©2000 - 2025