منتدى الفرح المسيحى

https://upload.chjoy.com/uploads/1491301705481.jpg

من اكتر الشخصيات اللي بتبهرني في الكتاب المقدس، شخصية المرأة نازفة الدم، بيقول عنها الكتاب انها مريضه من ١٢ سنه انتوا متخيلين الوقت قد ايه!! دا اللي بتبقى ايده متعورة او عامل عمليه ويقولوله اقعد شويه في السرير بينهار فمبالكم بالست دي، والاصعب كمان مكانش فيه حد يقدر يقرب منها..

لكن بخطوة ايمان راحت عند الرب يسوع هو الوحيد اللي قِبلها ومكسفهاش.. ماهو الوحيد اللي كان فاهم وحاسس اللي هي بتمر بيه.. ماهو اللي مكتوب عنه " فتيله مدخنه لا يطفئ".. الحب الحقيقي اللي كانت بتدور عليه نور في قلبها لما راحت للرب يسوع..

حتى لو انت شايف/شايفه حالك وصل للمرأه النازفه دي.. بخطوة إيمان زي اللي عملتها وهي حتى مش قادرة تتحرك لكن قررت تعمل حاجه مختلفه والرب ادها طلبتها..