منتدى الفرح المسيحى - سامح نفسك وكمل حياتك

كل مرحلة عدينا بيها فى حياتنا فاتت سواء
اتصرفنا صح او غلط
نجحنا او فشلنا
كسبنا او خسرنا
انجزنا او ضيعنا وقت

ده كان وعينا ساعتها
ده كان التصرف الامثل من وجهة نظرنا فى الوقت ده

لو رجعنا تانى بالزمن بنفس وعينا هنعمل نفس التصرفات
كوننا خرجنا وكبرنا ووعينا زاد ميديناش الحق اننا نلوم نفسنا ومنسامحهاش

اى حاجة عدت زمان ولسا ماثرة على حياتك وبتفتكرها وتلوم وتعاتب وتضايق نفسك اخرج براها
اطلع فوقيها واسال نفسك
بتستفيد اية لما تلوم نفسك وتتضايق من حاجات عدت وفاتت ؟
اتعلمت اية من الموقف ده اتعلمت اية من كل اللى فات ده ؟
ازاي استفيد منه دلوقتي حالا ؟

احتفظ بالايجابيات
وسامح نفسك وكمل حياتك بالوعي الجديد وانت معاك كل اللى اتعلمته عشان يفيدك فى حياتك الجاية