منتدى الفرح المسيحى - التحدى الأصعب

بقى التحدي الأصعب بالنسبالي دلوقتي هو اني أكمل في علاقتي مع ربنا حتى لو إحتياجاتي مش مُسددة ١٠٠٪‏ .. سواء نفسية أو عاطفية أو حتى جسدية!

وبقى مقياس علاقتي بيه (أو إمتحان حُبي ليه) هو ده.. أني أفضل بحبُه وشايفه صالح، حتى لو مش مرتاح ووجعي بيصرخ جوايا كل يوم..

وكأني بقوله كدة.. "أيوة يارب إحتياجاتي مش متسددة، أيوة تعبان وبعاني.. أيوة لسا فيا جروح ماتعالجتش، وضغوط جوايا وحواليا ماتشالتش.. بس لسا بحبك وشايفك صالح..

أنا تعبان ماقدرش أنكر.. بس صدقني يابويا علاقتي بيك ووجودي في حضنك.. أغلى عندي بكتير من علاج وجعي أو تسديد إحتياجي.. "