منتدى الفرح المسيحى - المحطة الجاية

الجواز مش نهاية الحياة.. ولا بدايتها على فكرة
هى مجرد خطوة بتاخدها.. محطة بتقف عندها و بتكمل باقى حياتك
خلى المحطة دى هى اجمل ما فى رحلتك
اتعب فى حياتك... اقف خد نفسك و ارتاح... كمل باقى الرحلة .. لكن مش لوحدك
لكن لازم تعرف ان باقى الرحلة اطول من بدايتها..
اختار حد يشيل معاك حياتك..أملك.. طموحك..ضعفك.. شنطك كمان
لو ملقيتهوش..كمل لوحدك لحد ما تلاقية
غير كدة.. اوعى تسيب القطر و تنزل
التكملة فى نفس القطر المعتاد ارحم بكتير من النزول فى المحطة الى مش بتاعتك
تذكرتك هتروح..قطرك هيعدى..مفيش قطر تانى ينفع تركبة لو ارتبط بحد مش مناسب و مشيت فى رحلة مش بتاعتك
امسك فى الأمل.. اتعلق ببكرة..شد ضهرك و متيأسش
لسه الطريق مخلصش.. كمل ومتخافش.. اتشجع و متقلقش
طريقك مش للمجهول.. يسوع مش سايبك