منتدى الفرح المسيحى - أنا اللى ضليت

https://upload.chjoy.com/uploads/1489320649391.jpg

أنا اللى ضليت .. وبعدت عنك
ودورت على حضن غير حضنك
كنت فاكر أن السعادة مستنيانى
وراحتى هلاقيها فى مكان تانى ...
سبتك .. وبكيتك .. وجرحتك..
سافرت .. ولعبت.. وشربت..
وإتبهدلت.. وجوعت.. وتعبت ..
وندمت إنى ماسمعتش نصيحتك...
أتارى العالم كله أوجاع .. وخداع
ولذاته ومشتهياته آخرتها .. ضياع
مافيش أجمل من عشرتك ومحبتك
انا راجع تعبان .. ومن كل قلبى ندمان
إشتقت لحضنك اللى مليان بالحنان والأمان
أرجوك سامحنى وإقبلنى ولو حتى أجير عندك
++الأحد الثالث ..أحد الابن الشاطر (الابن الضال)++
++كل سنة وانتو طيبين وبنعمة ومحبة ربنا مشمولين ++