منتدى الفرح المسيحى - مكتفاني خطيتي زي الكفن

مكتفاني خطيتي زي الكفن
وفي قلب قبر من الشرور قلبي أندفن
من بره شكلي متبيض ومدهون ألف لون
ومن جوه مليان بالعفن

https://upload.chjoy.com/uploads/148926270241.jpg

فينك يارب؟
لو كنت ساكن جوه قلبي ماكنش مات
ولا كانش عمره هايتملي شر وأفات
يا خسارة الوقت اللي فات
وأنا معرفكش .. ومبكلمكش
مع اني كنت بملي الدنيا كلام
أضحك وعمري ما حسيت بالسلام
بأزرع وأعمر .. بس جوايا خراب
عندي عيون مبيملهاش إلا التراب
أه يارب
أه يارب لو كنت جوه القلب ده موجود
لو كنت لما ندهتني سمعتك

https://upload.chjoy.com/uploads/1489262797091.jpg

لو كنت قررت أشتريك
مش بالرخيص بعتك
ماكنتش أبقي في نعشي ده ممدود
ولا كنت هأبقي فريسه للعفن والدود
بس أعمل ايه؟
أنا من غبائي وقسوتي
خبطت بابي قولت لك
أمشي بدون مطرود
ياه .. أنا مش مصدق
أنا اللي دايماً بأهملك وأبعد وأسيبك
لسه برضه معتبرني أبنك حبيبك! ياه
وأيه ده اللي جوه عينيك؟ دموع
لسه فاتح حضنك بتناديني
لسه برضه فيه أمل
فيه سكة تاني للرجوع
آدي الحجر اللي على قلبي اهوه مرفوع
غرق بشمسك ضلمتي
أنا مش هأعيش في العتمة بعد اليوم
أنا عاوز أقوم من رقدتى
إنده عليا وقوللي قوم
هأقوم

أنا عاجز يارب
أنا عاجز يارب لكن مشتاق أجيلك
مش عاوز أكون فى مكانى ولا عاوز أهينك
أنت قولت
تعالى يا ثقيل الأحمال وانا أريحك
لكن بأقولك أنا مُقيد
تعال انت وكمل جميلك
أو بلاش تيجى
بكلمة يا سيد إؤمرنى أجيلك
إشتقت ليك ولأحلى عشره
أنظر يا سيد لصنعة إيدك

https://upload.chjoy.com/uploads/148926290031.jpg

***
ولكن الذين هم للمسيح
قد صلبوا الجسد مع الأهواء والشهوات
غلاطية 5 : 24
ان لم تكن فعلت هذا بالفعل مع شهوات جسدك واقمعتها
فابدأ من الأن و ان لم تكن تستطيع
لحبك لتلك الشهوات
فأطلب من رب المجد ان ينزع محبتها منك
ويعطيك المعونة
لتتخلى عنها و تعوضها بفضيلة
تقربك من ربك
"ما هى يتسلسلك يتسلسلها"
ولك مطلق الحرية فى الاختيار
وفى النهاية
انت بلا عذر ايها الانسان