منتدى الفرح المسيحى

بعترف ..
بعترف اني بقيت انسانه لا تتطاق بالمره ،
غير قابله للنقاش الآدمي أو الحوار الودّي ،
غير قابله للجدال ف أتفه المواضيع ..

بقيت لآويه بوزي 29 ساعه ف اليوم من غير ما آخد بالي على فكره ..
مبقتش قادرة اضحك و أمثل اني كويسه و قشطه و كله تمام حتى لو حاولت ..
مبقتش قادرة اسامح و اصفى زي زمان و كأن محصلش حاجه ..
بقيت باردة و بتبارد كتير ع اللي قدامي ..
مبقتش باقية على حد و مستغرباني ..
بقيت غبيه و مواقفي أغبى و كلامي دبش ..

بقيت حاجات كتير مبحبهاش ابدا ..
بقيت مش انا و مش قادرة ألاقي تفسير منطقي لـ اللي حصلي غير اني سكت كتير ..
سكت لما زعلت و اتوجعت و اتكسرت و اتخدعت و اتخانت ..
من ناس كتير قابلتهم ف حياتي
و كانت النتيجه كُتلة برود عايشه وسطكم ..
لكل فعل رد فعل و اكيد افعالي مش من فراغ ..

قبل ما تستغربو إن واحد اتغير شوفو ظروفه و حاله ..
قبل ما تعاتبوه اسألوه و اكيد جواه أكتر بكتير من اللي هيحكيلكو عليه