منتدى الفرح المسيحى - النهاردة يومك ياست الكل .....

https://upload.chjoy.com/uploads/148898929561.jpg

الست اللى بتصحي بدرى يوميا تعمل الساندوتشات للاولاد وتجهزلهم شنطهم ولانش بوكساتهم وبعدين تصحيهم وتنزلهم مدارسهم ،،

اللى بتبقي قاعدة في شغلها ودايما دماغها في حته تانية ،،
هذاكر لهم ايه النهاردة ،،
ياترى عملوا ايه في امتحانهم ،،
بس الولد كان شكله مضايق واحنا نازلين لما افتكر و اسأله ؟

اللى دايما بتفكر فى كل حاجة في نفس الوقت ،،

اللى عمرها ماحسست جوزها باى تقصير ،،
بالعكس كانت العكاز اللى بيسند عليه وهو مرتاح ،،

اللى كل يوم بالنسبالها مش يوم عادى ،،
لا دى رحلة مليانه تفاصيل واهتمام وواجبات ،،

اللى بتنسي تشترى لنفسها حاجة لو الحال على القد
بس لو اولادها محتاجين هتستلف علشانهم ،،

اللى بتشتغل الصبح وترجع تكمل المسيرة مع الاولاد في البيت ،،

اللى دايما هتقولك طاب لو قمت وجبتهالك ،،:d:d

اللى لما تتقمص منك تقولك اصل الاهتمام مبيطلبش :rolleyes::rolleyes:

اللى هى نفسها في ورد يا ابراهيم ،، ماتجبلها وردة يا ابراهيم ;);)

* النهاردة يومك ياست الكل ،،
النهاردة تحية وتقدير للجندى المجهول في حياتنا ،،
اللى من كتر عطاؤه بقينا فاكرين انه ده الطبيعي ،،