منتدى الفرح المسيحى - مجرد سعي .......

لف قد ما تلف واجري ورا اهداف قد ما تجري
واعرف ناس قد ما تعرف وتعالي على نفسك علشانهم
واستهلك نفسك لحد ما تخلص كل طاقتك

هتلاقي نفسك فى الأخر عاوز توصل للسعاده او الراحه او الرضا
وبتدور عليهم جوا الاهداف والعلاقات
لحد ما الأهداف والعلاقات تستنزفك وتوصل لهدفك
وفى الأخر متوصلش للمشاعر اللى عاوزها من ورا الهدف

لأنك بتدور على الحاجات الصح فى الأماكن الغلط
وبتتعب علشان ترتاح وبتحزن علشان تنبسط وبتتمرد علشان ترضي
لحد ما تتعب وتعرف انك بس محتاج هدوء وسلام نفسي
هي دي اهدافك الحقيقيه وتقف وقفه وتاخد نفسك وتبص على كل اللى فات
وترجع تاني تبص لأهدافك بس من غير جري ولا حزن ولا تعب
بس مجرد سعي